Os graves incendios que están a asolar a nosa comunidade cobráronse as dúas primeiras víctimas en Nigrán. Trátase dos ocupantes dunha furgoneta que apareceu calcinada na estrada Camos – Chandebrito.

 A Xunta de Galicia lamenta o falecemento esta tarde de dúas persoas no concello de Nigrán, e traslada o pésame e condolencias aos seus familiares.

 O Goberno galega condena enérxicamente os ataques contra os montes galegos que está sofrindo hoxe a nosa comunidade e reitera que seguirá loitando para rematar con esta lacra, que no día de hoxe acabou con dúas vidas.

 Ademáis de facer un chamamento á colaboración cidadá para atopar aos incendiarios, xa que calquera indicio pode axudar ás investigación policiais.

 A Xunta nesta vaga de incendios puxo en marcha  todos os medios dipoñibles para acadar entre todos a máis rápida extinción dos lumes, cunhas condicións metereolóxicas totalmente adversas, cunha actividade incendiaria homicida e cun vento cada vez máis intenso.

O Goberno galego fai un chamamento para que as persoas que estean sendo afectadas por estos lumes teñan sempre en conta os avisos do persoal que está a cargo das labores de extinción.  Agradece a labor de todos os efectivos que están traballando para extinguir todos os lumes.