A Asociación de Maiores, Pensionistas e Xubilados de Mos, ASOMAMOS, informa da celebración o sábado 25 de novembro da súa Asemblea Xeral Ordinaria e da novena edición do tradicional xantar da Asociación o domingo 12 de novembro.

A Asemblea Xeral terá lugar ás 17.30 horas en primeira convocatoria e ás 18.00 horas en segunda convocatoria no auditorio do Pazo de Mos. Dentro da orde do día tratarase a aprobación da Memoria e do estado de contas do presente exercizo, 2016-2017, así como a ratificación por parte da Asemblea da actual composición da Xunta Directiva e dos acordos tomados pola mesma durante o exercizo 2016-2017; e aprobaranse os orzamentos  e o plan de actividades para o exercizo 2017-2018.

Por outra banda o domingo 12 de novembro realizarase o IX Xantar ASOMAMOS no Multiusos das Pozas, parroquia de Petelos. En dita comida de confraternización a animación musical correrá a cargo dos grupos Os Amigos de Vigo e Grupo de Gaitas da A.S.C. de Herville.

Os interesados en adquirir invitacións para este xantar poden dirixirse á sede da Asociación no Multiusos das Pozas, chamar aos teléfonos 986 334 903 – 679 037 299 – 659 629 526; ou ben poñerse en contacto cos colaboradores de ASOMAMOS nas distintas parroquias mosenses.