A semana pasada deron comezo as obras de remodelación do edificio do antigo Mercado de Goián. O proxecto contempla dous fases, esta primeira na que se rehabilitará a parte frontal do edificio como un novo e moderno mercado, axustado ás necesidades actuais, e unha segunda fase de adecuación do resto do edificio para usos socias, culturais e artísticos.

O novo mercado albergará 4 postos: un posto de pescado, un posto de carte, outro adicado á froita e verdura e outro de flores.

O deseño do proxecto do novo mercado elaborouse coa participación da poboación a través dun proceso participativo, mediante o cal elaborouse o plan de usos e o proxecto para remodelar a parte frontal do edificio onde ubicaráse o novo mercado, que levaba tempo pechado.

 

O mercado contará con postos de pescado, carne, froita e flores

 

O importe total do investimento rolda os 110.000 euros, dos que 70.000 serán achegados pola Consellería de Industria, logo de que esta aprobara o proxecto dentro da convocatoria “Espazos de Emprendemento Comercial no Rural” o pasado verán. O Concello sufragará o resto do investimento con fondos propios.

A finalización da obra está prevista para o vindeiro mes de decembro, de cara á campaña de Nadal. Paralelamente á última fase das obras levarase a cabo o proceso de información para a adxudicación dos postos ás persoas interesadas, a través de subasta pública.