O Concello de Mos ven de anunciar unha achega económica da Deputación necesaria para actuar no cruceiro do Santo Cristo da Amizade en Torroso e próximamente realizarase a contratación da obra, que ten de prazo de execución ata xuño de 2018.

As obras de conservación e restauración do cruceiro teñen o fin de reparar os elementos da estrutura que se atopan deteriorados, recuperación do seu carácter orixinal, soterramento das liñas eléctricas que afean o ben patrimonial e mellora da iluminación do mesmo.

A subvención para a realización destes traballos parte da Deputación de Pontevedra para a realización de obras de conservación e rehabilitación de bens e inmobles histórico-culturais de titularidade municipal.