O Portavoz Municipal de ACiP Juan Carlos González Carrera manifesta publicamente que "o seu grupo non vai seguir permitindo que o Alcalde siga utilizando a páxina Web do Concello coma se fose algo privado e para insultar á oposición e non dicir a verdade".

Esta semana o grupo Municipal ACiP puxo a disposición dun despacho de avogados "o que o Alcalde Sr Represas está a realizar coa páxina Web e estudase denuncialo por unha presunta prevaricación por utilización de diñeiro público en interese da súa imaxe e do propio goberno".

"O Sr Represas utiliza a páxina Web do Concello para arremeter contra a oposición no Concello pero sempre con mentiras e en moitos casos dando datos erróneos para tentar confundir á cidadanía" aseguran dende ACIP.

 
A mais "este grupo advertiullo en diferentes ocasións facendo caso omiso o mesmo o cal nos parece que o está realizando como feitos consumados e unha falta de respecto aos grupos da corporación que formamos a maioría deste Concello" explican.
 

"A páxina Web p ten que ser en calquera administración unha ferramenta de divulgación, promoción e información deste Concello e non un xoguete que o Alcalde utiliza para insultar arremeter contra a oposición coma se fose un medio privado" insisten dende ACIP.

Dita denuncia tamén irá dirixida "contra a persoa contratada do gabinete de prensa que realiza as propias notas de prensa para realizar unha campaña encuberta de imaxe do alcalde e do propio goberno e esconder a súa incompetencia en gobernar este Concello".

"É curioso que este goberno de repartición de poder a Concellería de transparencia é do Concelleiro socialista Benito Márquez que dá como resposta a calada" aseguran.

Por último dende ACiP din que xamais queren "xudicializar a vida municipal pero a situación de abuso de poder do Alcalde é inasumible neste momento".