Un incendio calcinou por completo unha casa prefabricada de madeira en Mos. Segundo se lle indicou ao 112 Galicia, ningunha persoa resultou ferida.

Os feitos producíronse no Camiño Os Pilóns, na parroquia de Guizán, ao fío das 9:20 horas. Nese momento, o 112 Galicia recibía a alerta do lume a través dun particular.

Decontado, o persoal do Centro Integrado de Atención ás Emerxencias (CIAE) 112 Galicia pasaba o aviso ao Bombeiros do Baixo Miño, a Protección Civil Mos e á Policía Local. Dende o CIAE tamén se informou aos Bombeiros de Vigo.

Polo momento descoñécense as causas que provocaron o incendio.