A secretaria xeral para o Deporte, Marta Míguez, acompañou á delegación galega de baloncesto no inicio da súa viaxe á Valladolid para participar no Campionato de España de Seleccións Autonómicas e desexoulle aos catro equipos galegos “a mellor das sortes” no devandito torneo. A comitiva está composta por 12 adestradores e 48 rapaces e rapazas que compoñen os combinados autonómicos infantil e cadete (masculinos e femininos) que disputarán o Campionato de España do 3 ao 7 de xaneiro. Ademais, a delegación galega complétase coa presenza de 4 árbitros.