Un accidente de tráfico saldábase con dúas persoas feridas. O sinistro,  que consistiu nunha colisión frontal entre dous turismos, tivo lugar no punto quilométrico 1,500 da PO-404, ao fío das 16:20 horas.

Nese momento, o 112 Galicia recibía a alerta do accidente a través do 061-Urxencias Sanitarias. O persoal do servizo sanitario indicaba que as persoas feridas no sinistro atopábanse accesibles.

A partir de aí, dende o CIAE 112 Galicia púxose a situación en coñecemento  da Garda Civil de Tráfico, dos Bombeiros do Porriño e do servizo de mantemento da estrada.