A asociación Centro Xuvenil Abertal, socia fundadora da Federación de Centros Xuvenís Don Bosco de Galicia, organiza o I Congreso “Es o que comes” para mozos e mozas en Vigo.

A xuntanza comezará a partires das 10:45 horas no Cine Salesianos (R/ Venezuela) de Vigo, onde teremos a acollida ós máis de 100 mozos e mozas de 15 a 19 anos de idade que se xuntarán.

Ambientado no formato dun Congreso, trala prescrita acreditación e pase de photocall farase a benvida inicial e terá lugar a ponencia-marco do encontro, que será levada adiante polo médica de familia Ana Prejigueiro (experta en nutrición).

Será apartires das 12:00 que teñan lugar os seminarios nos que se traballarán distintos aspectos relacionados coa saúde: física, psicolóxica, social e espiritual.

Sobre as 14:30 horas será o tempo do xantar, que se fará noslocais do Colexio María Auxiliadora-Salesianos.
Un tempo de networking facilitará o encontro entre os participantes e, ás 16:00 horas, teremos unha celebración –na parroquia Mª Auxiliadora- na que se recolla o vivido ao longo da mañá.

O acto de clausura deste encontro realizarase a partires das 17:15 no patio do centro e rematará de xeito que ás 18:00 os participantes poidan iniciar o camiño de retorno aos seus lugares de orixe.

O eslogan deste ano é “Es o que comes”. E participarán mozos e mozas desde os 15 anos de idade ata os 19 que forman parte dos grupos xuvenís de tempo libre que funcionan todo o ano cun ritmo semanal e teñen momentos fortes como son o campamento de verán no mes de xullo, o campobosco no mes de novembro, esta xuntanza no mes de xaneiro e en Semana Santa a Pascua Xuvenil. En total son preto de 500 mozos e mozas os que participan asiduamente destes grupos en toda Galicia.

DATAS: Sábado 20 de xaneiro no Centro Xuvenil ABERTAL (Salesianos) Vigo
INFORMACIÓN: no teléfono do Centro Xuvenil ABERTAL 986 225 662 preguntando por Alejandra de la Iglesia ou no móbil 697 877 067 (Segundo)