O BMW X4, cun consumo de combustible combinado: 9.0 - 5.4 l/100 km e unhas emisións de CO2 combinadas: 209 -142 g/km, naceu para deixar pegada e ofrece maiores doses de personalidade, dinamismo e innovación. O BMW X4 foi o primeiro Sports Activity Coupe mediano do segmento premium e a súa segunda xeración chega para escribir un novo capítulo desta exitosa historia. Desde que se lanzou a primeira xeración do X4 en 2014, comercializáronse aproximadamente 200.000 unidades deste modelo en todo o mundo.

O novo BMW X4 subliña o seu carácter único cunha dinámica de condución notablemente mellorada, un sobresaliente deseño exterior que acentúa o seu instinto deportivo, unha refinada contorna  premium no interior, sistemas de asistencia ao condutor de última xeración e tecnoloxías de conectividade de vangarda. Ademais, o aura dinámica e inconfundible deste  Sports Activity Coupe acentúase coa incorporación á gama de dous modelos  BMW M Performance.

Deseño: proporcións dinámicas e estilizado atlético
O deseño exterior do novo BMW X4 é un perfecto caso de estudo de como transmitir unha dinámica muscular cunha presenza impoñente. De clase superior e superficies limpas, os acentos modernos encabezan esta reinterpretación da inconfundible estética do X4. Na familia  BMW X, o X4 asume o papel do atleta que atrae todas as miradas. O BMW X4 presenta un aumento de dimensións, con 81 milímetros de lonxitude, ata 4.752 milímetros; 54 milímetros máis de distancia entre eixos (agora 2.864 milímetros), e 37 milímetros máis de anchura (1.918 milímetros en total. No centro do impactante frontal atópase a gran grella con riles de BMW cun look tridimensional. Os faros LED dobres con contornos dinámicos e as luces antinéboa horizontais forman unha nova interpretación do familiar rostro de seis ollos dos modelos  BMW X. A precisa liña dos ombreiros, que vai das manillas das portas aos faros traseiros, e a característica liña entre os arcos das rodas, rompen as superficies laterais da carrocería. Isto crea a unhas cadeiras perfectamente definidas e que están salientadas pola zona da lúa traseira. O estilizado teito de aire coupé comeza inclinándose dunha forma elegante, antes de facelo dun modo máis evidente cara á lúa traseira.