A Concellería de Ensino do Concello de Ponteareas, que dirixe a nacionalista Cristina Fernández, celebra o Día da Árbore cos centros escolares de Ponteareas. En colaboración coa empresa Ecocelta prantarán preto de cen árbores autóctonas no CEIP Santiago de Oliveira, na Moscadeira, no regato da Venda e nas comunidades de montes de Pías e Guláns.

Todos os centros educativos públicos e concertados incluíndo os IES participan nesta iniciativa na que ademais de prantar as árbores reciben unha charla sobre a importancia das árbores, a súa función no ecosistema, o seu impacto no medio ambiente e na nosa saúde e os coidados que precisan.