O Goberno Galego tramita actualmente o desenvolvemento da Lei 10/2013 de Inclusión Social de Galicia que vai regular a medio prazo a prestación da RISGA e outras axudas de inclusión social.

 

A Carta Social Europea, a Rede Galega e Europea contra a Pobreza, entre outros organismos e colectivos, defenden que as prestacións sociais deben achegarse ao indicador AROPE que mide o mínimo de ingresos por persoa.

 

A Unión Europea é quen desenvolveu este indicador que establece en 684 euros mensuais por persoa e 1680 euros/mes para un fogar de dous adultos e dous menores para medir o risco de pobreza e/ou exclusión social.

Os colectivos sociais aseguran que o salario mínimo interprofesional, establecido para 2017 en 735,90 euros, debe marcar o horizonte individual a conseguir para reducir a pobreza.

 

Según o Informe “O estado da pobreza en Galicia”, elaborado en 2017 pola Rede Galega de Loita contra a Pobreza (EAPN-Galicia), a partir de datos do Instituto Nacional de Estadística (INE), do Instituto Galego de Estadística (IGE) e do Ministerio de Emprego e Seguridade Social, había en Galicia, a finais de 2016, 690.505 persoas en risco de pobreza ou exclusión social, que representa o 25,4% da poboación.

 

 

 

 

Explican que "a actual prestación económica da Renda de Integración Social de Galicia (RISGA) non cumple os criterios da lexislación en vigor (Decreto 99/2012 de Servizos Sociais Comunitarios e a súa financiación modificado polo decreto 228/2014 da Xunta de Galicia) pois sigue mantendo aos beneficiarios no umbral da pobreza, da exclusión social e non cubre as necesidades básicas provocando estados de pobreza crónicos heredados por fillas e fillos."

 

 

Conn todo piden ao presidente do Goberno Galego "que o Proxecto de Decreto de Desenvolvemento da Lei 10/2013 de Inclusión Social de Galicia, no relativo á tramitación da Renda de Inclusión Social de Galicia e das Axudas de Inclusión Social en trámite, incorpore as medidas económicas mencionadas."