Como xa ven sendo habitual, Xuventudes Socialistas de Mos segue colaborando coas asociacións do municipio nos seus xa habituais festivais solidarios. Xa que este grupo de mozas e mozos afirman ser conscientes de que hai unha importante labor social pola que todas e todos debemos loitar. Outras asociacións coma ASODIFISI, o banco de alimentos de Mos ou Elfos e Calcetíns foron os beneficiarios en anteriores edicións deste festival.

Nesta edición, as mozas e mozos socialistas recadan fondos para a Asociación Contra o Cancro con sede en Mos. A organización quere destacar a labor desta asociación que ten coma obxectivo informar, concienciar, apoiar, investigar e mobilizar a través de programas gratuítos que ofrecen as persoas enfermas de cancro e as súas familias.

A IV edición do festival solidario terá lugar o vindeiro 14 de abril ás 17.00 horas no Multiusos As Pozas (Petelos), alí poderase disfrutar das actuación de grupos procedentes de Chan do Bosque, San Martín, Santa Eulalia, Torroso, Celado, Abrente, Arume de Guizán, Danzamos, Cultural de Guizán, iker Rodríguez, Noemi de “La Voz Kids”, Antia Caride e Taibox. A Entrada é unha axuda de 5 euros e tamén contan con Fila 0 para os que queiran colaborar pero non poidan asistir.

Alejandro Figueroa, Secretario Xeral de Xuventudes de Mos, quixo agradecer "a todos os participantes que colaboran de forma altruísta así como as empresas colaboradoras". Engade que "espera que sexa unha velada do disfrute de todos, xa que contaremos cunha mostra do potencial cultural co que contamos en Mos e sen esquecernos de que estamos aportando un graniño de area na loita contra esta lacra, que é esta enfermidade".