O primeiro libro pensado para sobrevivir nun mar de consellos, dietas e recomendacións de todo tipo sobre a alimentación. Cun formato visual, inclúe toda a información imprescindible para comer ben e mellorar a nosa saúde, vida e estado de ánimo. Desde listas de alimentos imprescindibles, consellos nutricionais básicos e breves explicacións sobre o proceso dixestivo ata un extraordinario plan de 28 días con receitas fáciles para cada comida do día.

Que vinte alimentos non poden faltar na despensa, por qué é imprescindible cociñar ao vapor, como conxelar os alimentos ou gardalos na neveira, que información debemos consultar sempre das etiquetas, como se combinan os alimentos por cores, que é imprescindible saber para perder peso ou que información esencial esconden a cor e forma dos nosos excrementos.

O obxectivo do libro é que a alimentación pase a ter a relevancia que merece na nosa vida, pois dela non só depende a nosa saúde, tamén a nosa felicidade e o futuro do planeta.