Os servizos de emerxencias trasladáronse esta tarde ao lugar de Paramos, en Tui, logo de que se rexistrara unha explosión de material pirotécnico.

Ata o momento, está confirmado o falecemento de alomenos unha persoa e máis de dez feridos, que xa foron trasladados a centros hospitalarios e hai varias casas afectadas. Os medios seguen traballando na zona para facer todas as comprobacións necesarias.

Ante esta situación, mobilizáronse aos bombeiros do Morrazo, Ribadumia, Baixo Miño, e Valença; así como as policías locais de Porriño e Tui; a Policía Autonómica; 061, que mobilizou 2 helicópteros e varias ambulancias; e persoal de incendios do servizo 085, tamén coa mobilización de helicópteros, brigadas e motobombas.

A Xunta activou o Plan Territorial de Emerxencias (Platerga) no nivel I, así como tamén a asistencia recíproca interrexional en Emerxencias a través do ARIEM.