Gondomar ofrece unha nova actividade de ocio en familia. Ante a aceptación e bo resultado da realizada o ano pasado propoñen unha nova xincana pero con diferente temática, o medio ambiente.

A través desta actividade lúdica a concellería de xuventude quere concienciar a grandes e pequenos da importancia  do respecto  e o coidado á natureza. A través dunha serie de probas de temática medioambiental realizarán un percorrido polo Monte Serra do Galiñeiro no que o ocio en familia e a defensa  da natureza serán a súa bandeira.  

Os participantes  de 6 a 16  anos  sempre acompañados  dun adulto, a partires dos dezaseis non é preciso,  os grupos de non máis de cinco persoas.

A data escollida será o sábado día 9 de xuño . As inscricións realizaranse telefonicamente ata o 8 de xuño no 986.369.746 ou na Oficina Municipal de Información Xuvenil.