Xuventudes socialistas de Mos manifestou o seu apoio ao colectivo LGTBI do concello de Mos, a organización moza xunto co partido socialista de Mos tomou a decisión de declarar a sede local espazo libre de LGTBIFOBIA facendo patente o compromiso que ambas organizacións teñen na loita contra a discriminación por orientación sexual ou identidade de xénero.

As mozas e mozos de xuventudes socialistas de Mos veñen de presentar no rexistro do concello unha petición para que como en moitos outros concellos se expoña a bandeira multicor simbolicamente na fachada do concello durante a última semana de Xuño, e así mostrar o apoio a un colectivo, que especialmente no rural, precisa unha maior visibilidade e apoio. Alejandro Figueroa secretario xeral de xuventudes socialistas de Mos manifestou que "este xa é o segundo ano que presentan a petición ao goberno sen recibir ningunha resposta e nesta ocasión de repetirse será a propia organización a que tome a iniciativa".

Foi o pasado sábado 2 de Xuño cando a organización xunto coa voceira no consistorio mosense, Patricia Pérez e Victoria Alonso secretaria xeral, dos socialistas de Mos, fixeron a declaración de espazo libre de LGTBIFOBIA na sede do PSdeG-PSOE de Mos.