Ao pleno de xullo, o goberno local levou a segunda modificación do plan xeral que se leva a cabo neste mandato. Neste caso afecta á zona do pazo de Mos, e dá solución "á reclamación que desde o Bng lévase anos facendo".

"Cando gobernaba o Bng na Xunta, e no concello de Mos, realizouse o magnífico arranxo que humanizou e puso en valor todo o entorno do Pazo de Mos, e que hoxe é a zona máis visitada do noso concello" explican.

"Pero esa posta en valor vese continuamente en perigo polo paso de vehículos que destrozan o empedrado, e ao que o goberno local non pon freno" ASEGURAN.

Tras anos de solicitudes por parte do Bng para que se rematara co destrozo da zona, parece ser que agora vai adiante a solución do vial alternativo.

Unha vez se realice o vial proxectado, débese facer estrictamente peonil a zona, só permitindo o paso aos poucos residentes que hai na zona empedrada.

Dende o BNG engaden que "teríase que regular a carga e descarga, para facela compatible co mantenemento do empedrado. Ou sexa, levar a cabo un labor necesario e imprescindible para que una vez feito o vial alternativo, o entorno do Pazo de Mos sexa o referente que debe de ser para os que visitan o noso concello e por suposto para todos os habitantes de Mos".

O Bng asegura que "seguirá vixilante para que esta mellora se leve a cabo de xeito completo, e que non sexa unha actuación incompleta".