Citroën incrementa o confort coa caixa automática Eat8

Os Citroën C4 SpaceTourer e  Grand C4 SpaceTourer, líderes do mercado español de monovolúmenes, incorporan á súa gama a última xeración de caixa de cambio automática EAT8. Asociada agora ao motor diésel BlueHDi 160 S& S, estará dispoñible noutras motorizacións antes de que finalice o ano.

Concibida e desenvolvida en colaboración co especialista xaponés Aisin, esta caixa automática “Efficient Automatic Transmission” de 8 velocidades (con paletas no volante para poder elixir pasar as velocidades de forma manual), é intuitiva e fluída. Ofrece aínda máis eficiencia e agrado de condución cun consumo de carburante reducido ata un 7% con relación á caixa EAT6, grazas ás dúas marchas adicionais, á mellora do rendemento coa extensión do Stop& Start para velocidades inferiores a 20 km/ h e á redución de peso e tamaño (ata 2 kg menos que a  EAT6).