Este sábado día 15 de setembro, a Alameda da Guarda acolle a segunda edición da Mostra Asociativa, un evento multicultural no que as asociacións da vila son as protagonistas dando a coñecer o seu traballo a todos os asistentes.

O evento terá lugar dende as 10:30h da mañá e contará cunha ampla programación con diversas actividades, actuacións, obradoiros, xogos, demostracións, exposición fotográfica, photocall, entre outras.

As diferentes asociacións explicarán o seu traballo nun espazo radio no que os representantes das mesmas darán informacións de interese para o público asistente.

Dende o Concello da Guarda convídase a todos e todas a participar nesta actividade e coñecer de primeira man o traballo e esforzo que se leva a cabo dende as diferentes asociacións da nosa vila, nunha xornada aberta á participación da cidadanía e que pretende converterse nun punto de intercambio de experiencias.

PROGRAMA
10:30h – Apertura da Mostra
Intervencións de membros de asociacións no espazo radio
11:00h - Exhibicións Club Deportivo Baixo Miño
11:30h - Intervencións de membros de asociacións no espazo radio
12:00h – Actuación Do Lusco ó Fusco
12:30h - Intervencións de membros de asociacións no espazo radio
13:00h-13:30h Exhibición Centro Do-Majó
13:30h – Últimas intervencións de membros de asociacións no espazo radio
14:00h - 16:00h - Xantar, convivencia, trae a túa comida e senta con nós. Chocolatada xentileza de Érguete Baixo Miño.
16:30h - 17:00h - Actuación de Na Revolta
17:00h - 17:30h – Mini Torneo a cargo de A Guarda Hockey Liña
17:00h – Obradoiro de batidos saudables e decoración con banderolas a cargo de Érguete Baixo Miño e Cruz Roja Baixo Miño
17:30h Xogos tradicionais a cargo do Sporting Guardés
18:00h – 18:30h – Actuación da Agrupación Musical da Guarda
18:30h - 19:00h – Actuación de Ballet Studio 88
19:00h – 19:30h – Actuación de Xamaraina e do Coro Arpegios Cantábile
19:30h – 20:00h – Actuación Vento Mareiro
20:00h - Concerto de Rock da Asociación Rock´n´Rolla