Julia Rodrigues, natural dunha parroquia de Salvaterra de Miño chamada Pesqueiras, sempre tivo claro que nacera por e para a música. Por iso, dende os 3 anos empezou a formarse nunha academia de música, e anos máis tarde, comezaba a súa carreira profesional no conservatorio ‘Mayeusis de Vigo’, nas especialidades de piano e canto, compaxinando á vez cos correspondentes estudos de ESO, Bacharelato e universidade.

Actualmente está a  prepararse para facer as probas de acceso a superior de música.

Dende entón, e grazas ao seu empeño, esforzo e dedicación, tivo a oportunidade de facer diversas actuacións, entre elas compartir escenario con "Los chicos del coro" de Francia, actuar coa ópera "Carmen de Bizet", formar parte do elenco de musicais a favor de UNICEF como "Cantando bajo la lluvia", "El libro de la selva", ou "Ollos de Lume" e tamén participar diversas veces no programa "Kafetín Musical" da Televisión local de Vigo, ou máis recentemente pisar o escenario de "Bamboleo" na TVG.

Ademáis, nunca deixou pasar a oportunidade de presentarse a todos os casting posibles, logrando chegar a estar no casting final en Madrid de "X Factor España" en 2017 e actualmente, ser elexida como a nova recanteira que representará toda a zona do Miño no programa Luar da Televisión de Galicia nesta 9ª edición que da o seu "pistoletazo de saída" hoxe 14 de setembro.

“É todo un orgullo para min representar a miña terra”

¿Qué esperas de "Recantos"?

Ter a gran oportunidade de formar parte desta nova edición de Recantos é un soño cumprido para min. Síntome feliz, ilusionada, e agradecida por todo o apoio que xa estou recibindo. Con ganas de vivir esta experiencia, aprender moito, pero sobre todo dar o mellor de min e facelo o mellor posible. É todo un orgullo para min representar a miña terra facendo o que máis me apaixona nesta vida: Cantar.

¿Qué zonas representas?

A Paradanta ( Arbo, A Cañiza, Covelo e Crecente), O Condado (Mondariz, Mondariz-Balneario, As Neves, Ponteareas e Salvaterra) e o Baixo Miño (A Guarda, Oia, O Rosal, Tomiño e Tui).

¿Cómo te definirías?

Defínome como unha persoa alegre, humilde, con actitude sempre positiva e loitadora dos seus soños. Enriba do escenario gústame expresarme moito e poder transmitir ao público todo aquilo que sinto.

¿Qué che gusta facer no teu tempo libre?

Unha das cousas que máis me gusta facer no meu tempo libre e compor os meus propios temas, tanto música como letra, acompañada do piano.

Fora da faceta artística, encantame viaxar e coñecer lugares e culturas novas.

Por último, ¿Cando te podremos ver na pantalla?

O programa Luar comeza a emitir a nova tempada hoxe 14 de setembro.

Non obstante, a min tócame cantar o día venres 5 de outubro, polo que me gustaría facer un chamamento e animo as persoas a velo e apoiarme cos votos a través do número de teléfono que saldrá na pantalla, ou tamén mediante as redes sociais (Whatsapp, Facebook e Twitter.) Podedes atoparme nelas como Julia Rodrigues.