O grupo municipal popular do Porriño reclama ao Goberno Municipal melloras e arreglos na parroquia de Cans. Os populares apuntan que a falta de xestión do goberno porriñés no rural e as carencias que están a padecer os núcleos rurais do municipio queda de manifesto en Cans.

Así reclaman que, de maneira urxente, se proceda a levar a cabo as melloras e actuacións precisas para garantir o correcto estado das dotacións da parroquia e soslventar os problemas de seguridade que conleva o xa dilatado no tempo abandono da zona.  Apuntan en primeiro lugar aos bancos de madeira do torreiro de festas, que se atopan destrozados coas táboas rotas e levantadas e puntas metálicas ao aire, o cal supón un evidente risco para os usuarios.

Por outra banda,  urxen á reparación dun dos valados de protección dunha das estradas da Graña cuxo único arreglo pasou por colocar uns conos e cinta plástica.