O Salón do Automóbil de París 2018 acollerá o debut mundial de dúas novas versións da gama Yaris, unha de enfoque dinámico e outra con motivo do 20 aniversario dun dos modelos urbanos de Toyota.

Toyota presentará dúas novidades mundiais no Salón do Automóbil de París 2018 dentro da gama Yaris. Trátase dos Yaris GR Sport e Yaris E20. O primeiro achegará un toque deportivo á gama Yaris, en liña co Yaris WRC do Campionato Mundial de Rallys —World Rally Championship (WRC)—, e o segundo será unha opción distinguida e elegante, como homenaxe ao primeiro Yaris, desvelado precisamente en París hai 20 anos.

Yaris GR Sport
Inspirado no Yaris WRC, o novo Yaris GR Sport achegará maior dinamismo á gama do urbano de Toyota. Yaris GR Sport, cuxo lanzamento está previsto para finais de ano e será o primeiro vehículo GR Sport que se comercialice en Europa.

Yaris E20
Toyota rende homenaxe ao Yaris orixinal, presentado un novo acabado, denominado E20, para conmemorar así o seu 20º aniversario. Durante dúas décadas e tres xeracións, Yaris consolidouse claramente como o modelo de Toyota máis vendido en Europa, onde ademais prodúcese, na fábrica de Valenciennes (Francia).

Como corresponde á ocasión, producirase unha serie inicial de 1.998 unidades dunha edición limitada de lanzamento do E20, coa mesma pintura dourada do primeiro Yaris, de 1998, pero co toque contemporáneo do acabado bitono en gris escuro. Soamente 200 unidades desta exclusiva versión chegarán ao mercado español.