Pasaban dez minutos das 14:00 horas, cando unha persoa particular chamou ao 112 Galicia para pedir axuda. Indicaba que á súa veciña lle ardía o piso, na Avenida de García Barbón, en Teis. 

Así, decontado, os profesionais do 112 puxeron os feitos en coñecemento dos Bombeiros da cidade e alertaron, por precaución, ao 061-Urxencias Sanitarias. Tamén, solicitaron a colaboración da Policía Local e de Protección Civil. 

Finalmente, a muller, aínda que non parecía revestir gravidade, foi trasladada polos servizos sanitarios ao centro hospitalario de Povisa. 

Os membros de extinción, tras apagar o lume, indicaron que unicamente ardeu unha tarteira que quedara ao lume.