Aproveitando a aprobación da Conta Xeral de 2017 que se levou o pasado venres a Pleno da Corporación Municipal, a alcaldesa de Mos, Nidia Arévalo, e o tenente alcalde e concelleiro de Facenda, Contratación e Transparencia, Alberto Méndez, informaron da "reducción da débeda bancaria municipal que alcanzará este ano o 1.428.000 euros pasando de 8.200.000 euros a data 1 de xaneiro de 2018, a 6.772.000 a finais deste mesmo ano. Este dato ven aportado por un Informe de Tesourería que certifica tamén que a finais de lexislatura, é dicir en maio de 2019, a débeda bancaria financieira superará en pouco os 6 millóns de euros (6.091.307,75 euros para ser exactos)".

Esta reducción de débeda foi posible, segundo explicaron os representantes municipais, Arévalo e Méndez, “grazas a unha xestión responsable e eficiente da Facenda municipal baseada na amortización inmediata, en non recurrir a operacións de préstamo bancario agás para unha obra imprescindible que é a do saneamento de Tameiga, en optar por recorrer a fondos propios para a acometida de proxectos e obras e, sobre todo, en facer unha moi boa xestión de solicitude de subvencións a outras administracións para aliviar a carga de gastos municipais e evitar ter que solicitar créditos bancarios”.

Deste xeito, a débeda per cápita por habitante pasa de 538 euros a principios deste ano, a 444 cando remate o mesmo (94 euros menos) e 393 euros a final de lexislatura, momento no que a débeda bancaria por habitante terase reducido exactamente en 145 euros por persoa.