Santiago Rodríguez Davila, voceiro do Partido Popular de Salceda de Caselas, vai anticipando, desde o pasado mes de agosto, diferentes proxectos que irán plasmados "no contrato popular cos salcedenses nas próximas eleccións municipais de maio de 2019".

O Grupo Popular de Salceda, como xa se informou, leva semanas facendo reunións con diferentes grupos de traballo, sendo o momento de anunciar outra das apostas que se queren levar a cabo para poder mellorar Salceda, por elo veñen de anunciar  “o Plan Integral de Recuperación e Posta en Valor das Escolas e Casas d@s Mestres das Parroquias (Picoña, Parderrubias, Soutelo e Budiño)”.

As proposta sobre este Plan para as diferentes casas e escolas, iranse anunciando nas vindeiras semanas, xa que,  como sinalou Santi Davila “o noso grupo presentará unha proposta para cada edificio,  que non son pechadas, xa que é preciso coñecer as opinións e as diferentes ideas das asociacións, colectivos e veciñ@s de cada unha desas parroquias para o edificio da súa parroquia”.

No día de hoxe, Davila deu a coñecer a primeira destas propostas, a recuperación da antiga escola da Vendanova (San Xurxo). A idea é convertir esa edificación nun centro de formación educativa persoal e multidisciplinar, con Aula municipal de empoderamento persoal (AMEP), aula de aprendizaxe persoal en linguas extranxeiras (inglés, francés, chino…), Aula de finalización de estudos básicos, accesos e coñecementos cívicos (eso, acceso a universidade para maiores de 25 anos, seguridade viaria...) e un Aula de formación social (dependencia, violencia de xénero...). Davila sinalou que  “O obxectivo deste proxecto é convertir a escola nun centro educativo e de formación persoal, en eidos que precisamos para desenvolvernos a diario, tanto profesionalmente como persoalmente” destacou o portavoz popular.