A salcedense Ana Cristina Pérez Cabaleiro será a única candidata á presidencia de Novas Xeracións da provincia de Pontevedra no IX Congreso provincial.

Pérez, acompañada polo que será o secretario, Avelino Souto, xa fixo entrega das 162 sinaturas que a avalan como candidata. Conseguiu, polo tanto, o dobre dos avais esixidos polo Regulamento do Congreso a todos os que decidisen aspirar á Presidencia de Novas Xeracións Provincial.

 

Está previsto que na clausura participen o secretario xeral do PP de Galicia, Miguel Tellado; o presidente provincial do PP de Pontevedra, Alfonso Rueda; e os presidentes nacional e autonómico de NNXX, Diego Gago e Adrián Pardo

 

Baixo o lema “Por ti Pontevedra ten futuro”, o cónclave terá lugar este sábado, 20 de outubro, ás 11.00 horas no Café Moderno de Pontevedra. Está previsto que na clausura participen o secretario xeral do PP de Galicia, Miguel Tellado; o presidente provincial do PP de Pontevedra, Alfonso Rueda; e os presidentes nacional e autonómico de NNXX, Diego Gago e Adrián Pardo. Durante o congreso expoñeranse dous comunicados, Paula Villaverde lerá “A mocidade como eixo da acción política” e Rocío Fernández, “Os mozos na vida municipal”.

A que previsiblemente se vai converter o próximo sábado na presidenta da organización político xuvenil máis grande da provincia xa adiantou que o secretario xeral de NNXX de Pontevedra vai ser o lalinense Avelino Souto, estudante de 20 anos do sector gandeiro. En total, serán 23 persoas de entre 20 e 26 anos as que compoñan o novo comité executivo, que será paritario e terá representación de todas as comarcas da provincia.