Para este Samaín, o Museo convida ao público a profundar nos ritos funerarios dos nosos antepasados desde as mámoas ata a visión romántica da morte no século XIX, e como estes marcaron dalgunha maneira os nosos costumes actuais. Estas visitas levan por título ‘Ritos funerarios desde a prehistoria ata a tradición popular galega', e están dirixidas especificamente a público adulto.

Para isto programa dúas visitas. A primeira será o mércores 31, de 19:00 a 21:00 horas, o equipo de arqueólogos de "Árbore" achegaran os rituais mais antigos a través dos restos arqueolóxicos expostos no Museo e de material didáctico de apoio, facendo fincapé nas tradicións romanas que aínda se manteñen na cultura galega.

A segunda celébrase o venres 2 de novembro, de 19:00 a 21:00 horas, Helena Rodríguez Villar, licenciada en Historia, amosará desde unha perspectiva antropolóxica os comportamentos relixiosos noutros tempos, especialmente na Idade Moderna e inicios da Contemporánea, analizando como se lle facía fronte á enfermidade e á morte, tanto propia coma a das persoas queridas, e como as e os artistas representaron estes temas.

Ofértanse 30 prazas por visita, e a inscrición pode facerse no teléfono 986 804 100, extensión 42315 ou 42413, ou ben no enderezo electrónico curtas.museo@depo.es.