Tras o éxito este ano e o anterior dos respectivos programas integrados de emprego "MOS 3.0.", o Concello de Mos contará co seu cuarto programa que se porá en marcha durante o presente mes de novembro. Seleccionaranse a 100 persoas, sendo 15 máis que no anterior programa de emprego. Os colectivos que se van a seleccionar son os seguintes:

Detectouse unha falta de candidatos en alguns colectivos, polo que se amplían a selección tamén  a persoas desempregadas con discapacidade, e persoas desempregadas perceptoras de prestacuións, subsidios de desemprego ou renda activa de inserción (RAI).

A selección das persoas que vaian participar neste programa realizaraa a Oficina do Servizo Público de Emprego de Galicia, para cuxo efecto abrirá unha lista, e as persoas interesadas en optar a este plan xa poden efectuar a súa inscrición na súa oficina de emprego, citando o seu interese en participar no Programa Integrado de emprego Mos 3.0, do Concello de Mos (código 930). Tamén se poderán dirixir directamente á Concellaría de promoción económica, emprego e novas tecnoloxías, situada na Axencia de Colocación de Mos (Avda. Peinador, 39, 36416, Mos) e manifestar o seu interese en participar no Programa.

Nos anteriores programas de emprego conseguiuse unha porcentaxe superior ao 70% de insercións. Por iso a Consellería de Economía, Emprego e Industria (Xunta de Galicia), que financia estes programas, confiou novamente no noso proxecto, e financiou un programa ambicioso, no que durante 12 meses, os 100 participantes terán o seu titor e orientador/a que lles axudarán a conseguir un emprego relacionado co seu perfil, ou ben, adaptar o perfil de cada un deles ás demandas das empresas, a través de formación adaptada a esas necesidades e realmente práctica, mesmo nas mesmas empresas, e a través doutras accións transversales.

O edil de Promoción Económica, Óscar Soto Abadín, expresa a súa satisfacción por lograr máis financiamiento e número de participantes, co que se posibilita que máis persoas en desemprego accedan á formación e poidan integrarse no mercado laboral. “Os programas integrados resultaron ser unha das ferramentas máis útiles _dentro das políticas activas de emprego desenvolvidas desde a nosa concellaría e desde o Concello de Mos_ para conseguir unha porcentaxe tan alta de insercións. Igualmente, é unha das mellores ferramentas, para traballar man a man coas empresas, cubrindo as súas necesidades de persoal, e tendo en conta as súas necesidades en canto aos perfís dos participantes, ofrecendo aos mesmos unha formación que lles permita adaptar os seus perfís a esas necesidades”.