A parroquia mosense de Pereiras acolle un ano máis a súa emblemática Kedada BTT que nesta ocasión chega á súa VIII Edición. O encontro celebrarase o vindeiro domingo 18 de novembro na Asociación de Veciños Nosa Terra con saída ás 09.30 horas.

A marcha consta de 30 quilómetros en dificultade media/alta para os amantes das BTT. Proba na que haberá un avituallamiento sólido e líquido na metade do percorrido. Os participantes terán os servizos de lavado de bicicletas e a posibilidade de ducharse nos baños das pistas deportivas. Recomendable levar roupa para poder cambiarse.

O prezo da inscrición anticipada é de 4 euros, e de 5 euros o mesmo día da proba. Durante a xornada realizarase un sorteo entre todos os participantes dos premios doados polas casas colaboradoras coa ‘kedada’.

Os interesados en obter máis información ou formalizar a súa inscrición poden facelo na propia cafetería da Asociación Nosa Terra de Pereiras e no mail de contacto avvnosaterra@yahoo.es

Poderán participar menores de idade cunha autorización expresa asinada polos seus pais ou titores legais.