A Consellería  de Educación, Universidade e Formación Profesional publica esta semana no Diario Oficial de Galicia a resolución das axudas dirixidas a escolas de música públicas e privadas dependentes de institucións sen ánimo de lucro, convocatoria á que este ano se destinaron case 390.000 euros, un 30% máis ca en 2017. Un total de 22 entidades da provincia de Pontevedra reciben este apoio económico, que vai destinado a subvencionar o funcionamento tanto das escolas de música dependentes dos Concellos como das asociacións ou fundacións sen ánimo de lucro. No total de Galicia reciben axudas 55 escolas.

A relación de escolas de música públicas da provincia beneficiarias das cales son titulares os concellos pode consultarse no seguinte cadro:

No caso das escolas de música dependentes de asociacións ou fundacións sen ánimo de lucro que reciben o apoio na provincia, son as seguintes:

O fin destas axudas é potenciar o funcionamento dos centros que imparten ensinanzas de música, sobre todo tendo en conta a súa crecente demanda. Ademais, tamén se busca apoiar aquelas iniciativas que implican fomentar, difundir e estender entre a sociedade xeral, e en especial entre o público xuvenil, a ensinanza musical desde unha formación non regrada. Para outorgar as axudas tivéronse en conta aspectos como o número de alumnado matriculado, de especialidades instrumentais impartidas, do profesorado e tempo de dedicación, así como as dimensións das instalacións, o volume do orzamento do centro e o importe total que o centro percibe do alumnado pola impartición das ensinanzas.