Logo da última xuntanza mantida, o comité executivo de Alternativa Ciudadana de Ponteareas ACiP ven de aceptar a proposta de candidato á alcaldía da vila designada pola xunta directiva desta formación.

Unha candidatura que "trata de reflectir o sentir de afiliados e dos simpatizantes máis achegados a este grupo político, formada por un equipo xove pero con ampla experiencia na vida política municipal e que tentará o seu obxectivo de acadar a alcaldía da vila e de traballar por un presente e un futuro mellores para Ponteareas e os seus veciños".

A presentación do candidato terá lugar o vindeiro sábado 15 de decembro ás 19:30 horas nas instalacións do Centro Artístico Sportivo.

“Será un acto dirixido á cidadanía; a todos aqueles que desexen acompañarnos no camiño de endereitar o rumbo deste concello. Un acto no que tamén aproveitaremos para compartir os desexos de paz e felicidade destas datas tan entrañables”, anunciou a xunta directiva de ACiP.