O  Concello de Mos aprobou a licenza de obra que posibilitou o arranque, esta mesma semana, na parroquia de Pereiras da cidade deportiva celeste, un proxecto “absolutamente necesario para o desenvolvemento e mellora das condicións de traballo diarias tanto do primeiro equipo como da canteira” sinalan.

Tras completar a talla e limpeza da zona, as obras de construción dos dous primeiros campos de céspede natural e a primeira fase da edificación necesaria  para garantir os servizos adecuados comezasen de maneira inmediata. As obras foron adxudicadas a unha empresa cento por cento galega, Francisco Gómez e  Cía.

O proxecto, obra de Irisarri e  Piñera, para a cidade deportiva do  RC Celta destaca “sobre todo polo seu máximo respecto co  medioambiente e pola súa sobrada capacidade para satisfacer de maneira brillante as necesidades tanto da canteira como do primeiro equipo” segundo indican.

A cidade deportiva do  RC Celta en Mos contará, entre outras dotacións, con oito terreos de xogo (catro naturais e catro artificiais), zona de tecnificación, zona de praia para rehabilitación e outras actividades, estadio con capacidade mínima para 4.000 espectadores, pistas de pádel e tenis, piscina, residencia, cafetería-restaurante, tenda do club, universidade do deporte, pavillón deportivo multiusos e ximnasios.