O Vicepresidente da Xunta de Galicia, Alfonso Rueda, asistiu esta semana á inauguración das instalacións da empresa Randrade, pertencente ao Grupo Meifus, en Mos; concretamente na antiga nave de Maderas Iglesias sita en Sanguiñeda,

O Vicepresidente da Xunta estivo acompañado polo delegado territorial da Xunta en Vigo, Ignacio López-Chaves, e pola alcaldesa de Mos, Nidia Arévalo. A rexedora local mosense dirixiulle unhas palabras ao equipo de Meifus Industrial no inicio da súa andadura mosense dicíndolles que “dende Mos felicitarvos por ser capaces de reinventarvos e de estar hoxe aquí ofertando un servizo industrial moi interesante”.

Ademais dos representantes autonómicos e municipais, estiveron presentes no acto José Ramón Suárez, Director Comercial de Randrade, Isidro Hermida, Director de Randrade e Enrique M. Mallón, Secretario Xeral de ASIME.

O Grupo Meifus, cun total de 70 traballadores, máis os que traballan para o Grupo de xeito indirecto, e adícase a 3 actividades: almacén, fabricación seriada e enxeñería. A fabricación seriada, que concentra a 35 dos 70 traballadores, está externalizada da nave de Mos, mentres que as actividades de almacén e enxeñería realízanse íntegramente nas dependencias mosenses. En almacén traballan 15 persoas e en enxeñería 20 persoas.
O Grupo Meifus está integrado por máis de 20 empresas nacionais e internacionais. O seu accionista principal é Isaac Álvarez. Adícanse fundamentalmente a tratamento e venta de productos férricos e non férricos, fabricación de máquinas e prototipado, e manipulados e montaxes manuais para o sector do automóbil.