O primeiro sinal de que Lexus ía entrar no competitivo mercado de crossovers compactos chegou no Salón do Automóbil de París 2016, co lanzamento do prototipo  UX: un estudo de deseño radical que combina unha liña de tipo  coupe coa imaxe robusta dun resistente todocamino.

O prototipo UX foi desenvolto no centro de deseño ED2 de Lexus no sur de Francia: “A misión era crear un novo xénero de crossover; un vehículo que evolucionase xunto cos seus propietarios e crease algo realmente singular. Analizamos ideas de moitas fontes distintas, pero a inspiración principal xurdiu do lema ‘Seguro E ADEMAIS áxil’”, explicou Stephan Rasmussen, deseñador de exterior no ED2.

O prototipo UX subliñou a intención de Lexus de atraer a un grupo cada vez maior de clientes urbanos máis novos e intensamente conectados: “Prestamos unha especial atención ao aspecto  antropocéntrico do deseño. A partir dun estilo arquitectónico xaponés denominado ‘engawa’, desenvolvemos unha potente simbiose entre o exterior e o interior do vehículo”, dixo Alexandre  Gommier, deseñador de interior no ED2.