O PSOE de Ponteareas desminte ao Partido Popular e asegura que Belén Villar" mentiu publicamente aos veciños ao calificar de parche temporal o parking de granitos cando o PXOM prevé un aparcamento soterrado e en superficie ademáis da praza peonil".

Chus Garrote considera que "a edil do Partido Popular actuou de mala fe e mentiu intencionadamente para desprestixiar a boa xestión do goberno municipal. Neste senso, a tenente de alcalde e candidata socialista explica que o parking de granitos forma parte do modelo e estratexia de mobilidade sostible que defende o Partido Socialista de Ponteareas".

Chus Garrote adianta que" o parking non será o único que se constrúa en Ponteareas. Para isto o goberno atópase en negociacións coa Xunta de Galicia para a cesión dos terreos do actual campo de fútbol do Colexio Virxe dos Remedios para articulación dun novo aparcamento semisoterrado. A cambio desta cesión, o goberno ten contemplado no seu proxecto substituir o vello campo de fútbol de terra por un novo moito máis moderno, o que supón unha mellora das instalacións deportivas do colexio.".

Chus Garrote lamenta "que Belén Villar siga empeñada en defender o proxecto de parking subterráneo na Praza Bugallal cando ningunha empresa se quixo facer cargo del ao ser inviable economicamente (5 millóns de euros). Neste senso, a edil socialista recorda que o Parking que defende o PP sería de pago e que o prezo de cada praza de aparcamento sería 5 veces superior ao prezo medio de mercado, ao redor dos 18.000 euros".