O PP denuncia "o roubo que supoñen os orzamentos do Estado para o concello de Ponteareas". Nunha rolda de prensa en Ponteareas, o deputado pontevedrés, Tomás Fole, e a presidenta e candidata popular denunciaron o “tijeretazo que o PSOE acaba de dar a Ponteareas nos orzamentos”.

Tomás Fole lamentou que “o interese de Pedro Sánchez por manterse na Moncloa está a prexudicar a todos os españois e de forma especial aos galegos". Despois de informar sobre os orzamentos, que entregou aos xornalistas, explicou que no caso da variante “de 21 millóns logrados no Goberno de Mariano Rajoy pásase a cero e no caso da mellora da N-120 de seis millóns consignados pásase a 100.000 euros”. Unha consignación que cualificou de “sorprendente” xa que esta nova consignación ou máis ben a falta dela fai desaparecer a Ponteareas dos orzamentos do Estado. Tomás Fole dixo que en España hai preto de 8123 concellos, aparecen partidas xenéricas para excepcionalidades, que apareza nominalmente o nome de Ponteareas é traballo de anos, traballo de partidos políticos, traballos da plataforma, dos veciños, que desapareza o seu nome é unha noticia moi grave e triste”.

Pola súa banda a presidenta e candidata popular Belén Villar, manifestou o total desacordo coa proposta. “O PSOE con estes orzamentos vendeu e deixou a Ponteareas na estacada”. Cualificouno de “ tijeretazo” e explicou

 

Instan a Represas e a Chus Garrote a "explicar que xestións fixeron no último mes e porqué aínda non saíron denunciando o tijeretazo que o PSOE acaba de darlle a Ponteareas"

 

que despois dos últimos acontecementos esperábase un recorte pero non “tan grave como o facer desaparecer a variante e deixar tan só 100.000 euros para a mellora da N-120”. A popular culpou tamén a Represas e Chus Garrote da situación “Estou segura que se fosen uns orzamentos do PP estarían xa manifestándose, aínda non se pronunciaron e estou segura que coñeceron estes datos moito antes de que se fixesen públicos”. Villar lamenta que se “antepoñan intereses partidistas neste tema”, cando sempre se actuou en consonancia e unión. “Queremos unha explicación urxente do tripartito das xestións realizadas nos últimos meses ante o Ministerio de Fomento e a Subdelegación de Goberno, porque reunións e anuncios en prensa moitos, pero a realidade son estes papeis, deixáronlles en evidencia”.

Villar lembrou que na presentación de candidatura de Chus Garrote en decembro "enganou aos veciños anunciou aos catro ventos que a variante e mellora da N-120 estaban aseguradas co PSOE e agora sabemos que mentiu. Ponteareas é un dos municipios máis castigados de Galicia nestes orzamentos. Os pontareanos estamos a pagar os acordos de Sánchez con Cataluña” recriminou.

Villar explicou que “Represas é cómplice deste recorte, xa que leva meses escondido e non se pronunciou porque non quere conflitos co PSOE, xa que é o partido que o mantén no silló. Prefire seguir na cadeira e non enfrontarse mediáticamente ao PSOE que é o partido que lle está brindando o apoio para ser alcalde”.

Por último Villar mostrou o seu total apoio á Plataforma da N-120. “Imos loitar, imos emendar este documento e non imos parar ata recuperar o último euro. Xa mantivemos varias conversacións e reunirémonos con eles nas próximas horas para tomar decisións de presión en conxunto”.