A asociación Centro Xuvenil Abertal, socia fundadora da Federación de Centros Xuvenís Don Bosco de Galicia, organiza o Festiva l“D´ondeSON” para mozos e mozas en Vigo.

A xuntanza comezará a partires das10,45 horas no Cine Salesianos (R/ Venezuela) de Vigo, onde teremos a acollida aos preto de 200 mozos e mozas de 15 a 19 anos de idade que se xuntarán.

Ambientado no formato dun festival musical, trala prescrita acreditación e pase de photocall farase a benvida inicial, presentación da xornada e saúdo das autoridades presentes que terá lugar no Cine-Teatro Salesianos.
Logo deste primeiro momento terán lugar os obradoiros, dez experiencias e testemuños que permitan achegarse a elementos centrais da vida cristiá e as manifestacións diversas da mesma: cine, música, compromiso social, Biblia,…

A participación nos obradoiros dará lugar a un faladoiro co prelado diocesano, Mons. Luis QuinteiroFiúza -que manifestou o seu entusiasmo por poder atoparse directamente cos mozos e mozas participantes neste encontro- no que haberá espazo para preguntas e respostas  partires dos aspectos traballados nos obradoiros.
Pechará a mañá de encontro e traballo o merecido xantar compartido entre todas as persoas participantes nas instalacións dos Salesianos da Rúa Venezuela.

A tarde estará centrada en dúas grandes actividades: unha animada e xuvenil celebración da eucaristía, ás 16,30hs, na Igrexa de María Auxiliadora e un concerto, ás 17,30hs, no Cine-Teatro Salesianos, que vén de cumprir 50 anos, de man do cantautor Migueli e que estará aberto á toda a cidade con entrada de balde (entrada pola Rúa Venezuela, 3).

O acto de clausura deste encontro realizarase a partires das 18,45 no mesmo Cine-teatro onde terá lugar o concerto.

No festival “D´ondeSON”participarán mozos e mozas desde os 15 anos de idade ata os 19 que forman parte dos grupos xuvenís de tempo libre que funcionan todo o ano cun ritmo semanal e teñen momentos fortes como son o campamento de verán… e que sendo de diversas procedencias, movementos e institucións, xúntanse para compartir unha xornada festiva en torno ao aspecto central destes grupos: a experiencia cristiá.
En total son preto de 500 mozos e mozas os que participan asiduamente destes grupos en toda Galicia.

DATAS: Sábado19 de xaneiro no Centro Xuvenil ABERTAL (Salesianos) Vigo.
INFORMACIÓN: no teléfono do Centro Xuvenil ABERTAL 986 225 662 preguntando por Alejandra de la Iglesia ou no móbil 697 877 067 (Segundo)