O vindeiro sábado día 26 de xaneiro de 2019 a Biblioteca Pública Municipal da Guarda organiza unha nova sesión de «Contos contados» para conmemorar o Día da Ilustración e o aniversario do nacemento de Castelao (que se celebra o 30 de xaneiro).

Neste caso a actividade comezará ás 11:30 horas e consistirá en contar "Cuentos silenciosos", de Benjamín Lacombe, ilustrado en tres dimensións que lle dan vida e volumen a contos tradicionais dun xeito sorprendente, que fará as delicias dos máis cativos e cativas da casa.

A continuación, realizarase un obradoiro que consistirá en decorar un mural con ilustracións adicadas a Castelao e sorpresa para levar á casa.

Convidamos a todos os nenos e nenas da Guarda a participar desta interesante e innovadora actividade na Biblioteca Pública Municipal da Guarda.