O Concello de Salvaterra de Miño ven de anunciar que  o prazo de inscrición para todos aqueles que queiran participar no Enterro da Lamprea 2019 será  ata  15 de febreiro, que este ano celebrarase o próximo 9 de marzo, a partires das 17.00h.  Aínda que o Concello, por motivos de seguridade, de organización e espacio, resérvase o dereito de reducir ou ampliar o  prazo de inscrición.

Neste desfile poderán inscribirse todas aquelas Comparsas e Carrozas, que cumpran os requisitos. Solo se poderá inscribir unha comparsa ou carroza por asociación ou persoa.

A saída do desfile, de Comparsas e Carrozas do Enterro da Lamprea do Entroido 2019 de Salvaterra, está prevista para as cinco da tarde, dende a Rúa Rosalía de Castro, discurrindo por Castelao, Fonte da Vila, dona Urraca e Praza do Concello.