O Partido Socialista de Mos faise eco "das queixas de nais e pais dos cativos que asisten a escola infantil de Coto Torrón (Tameiga) e que levan máis dunha semana sen calefacción". Ante as queixas, a resposta que reciben é que "non saben se vaise encargar do arranxo o concello ou a Xunta de Galicia".

Victoria Alonso, candidata a alcaldia, solicita "o arranxo inmediato da calefacción destas instalacións xa que están sendo uns días de temperaturas demasiado baixas para ter os máis cativos nesta situación". Tamén lles recorda que este tipo de problemas deberían solucionarse o antes posible.