A localidade pontevedresa de Ponteareas acollerá os vindeiros 16 e 17 de febreiro, por primeira vez, un Campionato Galego de Bádminton, nesta ocasión será para as categorías Sub 11 e Senior, convertíndose xunto a Ourense, A Coruña e A Estrada en un dos concellos que albergarán nesta tempada un campionato galego. O club anfitrión, C.B. Ponteareas, e o Club Escola Rosalía de Vigo serán os encargados de levar a cabo a organización deste evento, que conta co apoio institucional do Concello de Ponteareas e da Deputación de Pontevedra.

O campionato desenvolverase no Polideportivo Álvaro Pino que contará con 14 pistas repartidas nos dous pavillóns da instalación ponteareana. Nesta cita participaran 131 xogadores/as procedentes de toda a geografía de Galicia que disputarán un total de 32 probas repartidas entre as modalidades de individual masculino, individual femenino, dobles masculino, dobles femenino e dobles mixto. A proba estará controlada pola Federacións Galega e Española de Bádminton sendo o xuiz árbitro o catalán Francesc Pi acompañado de dous árbitros nacionais. 

A competición comezará arredor das 14:00 horas do sábado 16 de febreiro coa disputa da fase de grupos e o cuadro final mentres que na xornada dominical terán lugar as semifinais e finais coa posterior entrega de premiacións ao seu remate.

Dentro dos xogadores participantes haberá moitos campións galegos e nacionais das distintas categorías en xogo que terán na localidade do Condado-Paradanta o reto de revalidar o seu título e de preparar os Campionatos de España de cada unha das categorías que terán lugar en Pontevedra para os Sub 11 e Palma de Mallorca para os Senior.