O Club Natación Mos informa de que o club incorporou unha sección de Natación Adaptada. Un dos integrantes do club, Juan Ferrón Gutiérrez, posúe unha discapacidade, e decidiu dar o salto á natación adaptada.

Desde esta tempada, Juan nadará tanto en natación, onde ten grandes resultados e varias mínimas autonómicas, como en Natación Adaptada. A discapacidade de Juan é severa, sendo de tipo visual, e foi encadrado na Categoría S12 (a previa, por gravidade, aos invidentes que son S11).

Tras federar ao deportista e ao adestrador na Federación Española de Deporte para Cegos, o Club Natación Mos descubriu que é un club pioneiro en Galicia, pois desde a mesma FEDC, informáronos de que a día de hoxe, son o único club galego en contar con esta sección de deporte adaptado para persoas con discapacidade visual.

Os próximos 29/30 e 31 de Marzo, Juan e o adestrador, Alberto Pereira, desprazaranse ao Campionato de España por Comunidades Autónomas, onde Galicia estará, únicamente, representada por Juan, xa que como se dixo o mosense é o único club galego que conta con esta categoría.

Desde a Xunta Directiva do Club Natación Mos celebran esta noticia, e enorgullécense de poder achegar o seu graíño de area á inclusión deportiva para aquelas persoas que teñen maiores hándicaps que superar e que, froito dun maior traballo e perseveranza, lógrano. “Desde este club tan humilde, noticias como estas non fan máis que impulsarnos e aos poucos, ir crecendo en cantidade e resultados para asentarnos como un club consolidado e estable”, conclúen dende a Directiva.