A concellería de Participación Cidadá mosense que dirixe a edil Julia Loureiro organiza unha excursión para maiores a Verín e Xinzo de Limia para visitar o seu Entroido. Este luns 18 de febreiro será o último día para inscribirse.

Os/As beneficiarios/as directos/as desta actividade  serán  tódolos/as  maiores  de 65 anos ou de 55 anos en condición de pensionistas,  preferentemente empadroados/as no Concello de Mos.

A viaxe realizarase o 24 de febreiro.

Un aspecto moi importante a destacar deste tipo de saídas, é que fortalece os lazos entre os veciños e veciñas fomentando a súa vez a autonomía persoal, as habilidades de socialización e o aprendizaxe, entendéndoo este como aspecto imprescindible a desenvolver ó longo da vida.

O 24 de febreiro (domingo) visitarase pola mañá Verín vendo o Corredoiro dos Cigarróns. Despois haberá un xantar en Verín no Asador José. E pola tarde rematase en Xinzo de Limia vendo os Pasarrúas das charangas.

Contarase co servizo dunha guía oficial, que contará a historia do Entroido de ambos lugares e coa que os participantes visitarán Verín e Xinzo.

O xantar será no Asador José  e o menú (sopa de cocido, cocido galego, orellas de entroido, bebida).

O prezo por participante é de 22 euros correspondentes únicamente ó xantar, o transporte e o servizo de guía corren a cargo do Concello.