Dende Gañamos veñen de comunicar que presentarán unhaa moción para que o Concello de Mos “apoie activamente a Folga de Mulleres do vindeiro 8 de marzo. Unha folga de todas as mulleres para esixir todos os dereitos” segundo explican.

Na moción solicitarán ao Pleno do Concello de Mos que acade os seguintes acordos: “apoiar activamente a Folga Feminista do vindeiro 8 de marzo, así como tódolos eventos, reivindicacións e accións convocadas co mesmo obxectivo que a folga, antes e/ou despois da citada data, facilitando os medios dispoñibles dende o Concello para elo! e “adoptar as medidas necesarias para garantir o exercicio do dereito de folga por parte de tódalas mulleres traballadoras municipais que se sumen á reivindicación”.