Toyota España lanza unha nova variante na familia PROACE VERSO. Destinada principalmente para as familias que gozan do lecer ao aire libre e necesitan dun monovolume versátil e práctico no día chega a nova Toyota PROACE VERSO CAMPER.

Partindo de PROACE VERSO na súa versión de carrocería media e acabado  Family, o especialista Tinkervan configura a medida un monovolume co que gozar do tempo libre en familia, con diferentes opcións para facer máis confortables unhas vacacións na praia ou unha escapada á montaña.

A nova PROACE VERSO CAMPER forma parte do programa Toyota Adáptase de Toyota España, co que satisfán as necesidades de mobilidade dos seus clientes a través de todo tipo de adaptacións e transformacións a través de dúas liñas de actuación: unha enfocada a mellorar a mobilidade daqueles que lle dan á súa Toyota un uso particular e outra que facilita a mobilidade de autónomos e profesionais.

PROACE VERSO CAMPER, que forma parte da liña de transformacións para clientes particulares, ofrécese con motor diésel 1.5D de 120CV ou 2.0D de 150 CV, en ambos os casos con transmisión manual de seis velocidades, e tres acabados diferentes: OutFun, Nomad e Nomad PLUS.

A nova Toyota PROACE VERSO CAMPER xa está dispoñible na Rede Oficial de Concesionarios de Toyota España, cuns prezos que arrincan en 37.075 euros.