A Concellería de Igualdade, a través do Centro de Información a Muller, e en cumprimento do 4º Plan Municipal de Igualdade de oportunidades no compromiso  de promover unha educación en igualdade e a prevención da violencia entre o alumnado adolescente, está a levar a cabo un obradoiro dirixido ao alumnado de 4º da ESO nos dous Institutos de Gondomar. Trátase dun Obradoiro de  “Sensibilización e Prevención en Violencia de Xénero” que se considera fundamental para a sensibilización das/os máis xóvenes.

O Obradoiro realízase durante o mes de febreiro no IES Terra Turonio e os días 26 e 28 de marzo no IES Auga da Laxe.