Dende Gañamos veñen de comunicar que inician o proceso de selección da candidatura que "será completamente transparente en cada unha das súas fases e ofrecerá un trato igualitario a todas as persoas que desexen participar do proceso en aras de que a candidatura resiultante sexa o máis representativa posible de todos os veciños e veciñas de Mos"

Para isto buscan "persoas leales ao proxecto e estean adaptadas a un sistema asembleario puro de toma de decisións" nesta ocasión explican que introducirán dúas variacións con respecto ao anterior proceso. Todas as perosoas que queiran candidatarse teñen que contar co aval da Asemblea Veciñal e" non seran candidaturas unipersonais senón de equipos de 8 membros que demostren alierces para o traballo en equipo".

Co novo regulamento de primarias buscan establecer "os mecanismos para asegurase que as persoas que integren a lista sexan comprometidas cos valores que representa GañaMós e posuidoras dunha traxectoria persoal de implicación coa Xustiza Social".

Ademáis piden "o cumprimento dos requisitos necesarios para evitar o individualismo entre os candidatos. As individualidades que conformen a pluralidade desexada ten que estar sempre supeditadas ao interese e soberanía do colectivo, da asemblea que conforman todas e todos os membros de GañaMós".