A “I Andaina Solidaria polo Sendeiro do Río Louro” congregou hoxe en Mos a preto de 300 persoas que gozaron dun percorrido cunha lonxitude de 5 quilómetros de nivel fácil e no que houbo a presenza de numerosas familias, nenos e mascotas.

A Xunta Local de Mos da Asociación Española contra o Cancro foi a encargada de organizar esta andaina en colaboración co Concello de Mos e contando coa axuda da Agrupación de Voluntarios de Protección Civil  Mos que acompañou aos participantes en todo momento.

Ademáis da alcaldesa, Nidia Arévalo, participou nesta andaina solidaria Jesús Vázquez Almuiña, conselleiro de Sanidade, que estivo acompañado por algún dos concelleiros que integran a corporación municipal en Mos.