A alcaldesa de Mos e candidata á Alcaldía ás eleccións municipais polo Partido Popular de Mos, Nidia Arévalo, vén de presentar onte a bancada “Nidia con Mos”, un  espazo especialmente deseñado para "escoitar e falar cos veciños das diferentes parroquias do municipio e que contará cunha axenda propia nesta campaña ás municipais de maio do 19".

Rotulada coa palabra FALAMOS? en grande, a bancada vén de comenzar onte o seu percorrido na contorna do Paseo do Louro, no Parque da Pesqueira. Durante preto de dúas horas, Nidia Arévalo departiu coa xente que estaba na zona: nais e pais que estaban cos fillos no parque infantil, xóvenes que aproveitaron o bo tempo para saír a facer deporte pola zona, persoas maiores, etc.  O obxectivo da bancada parladoiro “Nidia con Mos” é precisamente o de escoitar e compartir  cos veciños as súas necesidades e visión de Mos.

A bancada percorrerá espazos de diferentes parroquias ou ben se situará en lugares concretos para falar con colectivos do muncipio, segundo a ocasión así o requira. Así, segundo declarou Arévalo, o obxectivo da bancada é seguir escoitando a todos: “Hai catro anos escoitei o que tiñan que dicir os veciños para facer un programa e un proxecto coherente para Mos. Neste momento, como non podería ser doutro xeito, o farei de novo”. “É moi importante estar en contacto permanente coa xente que quere Mos tanto coma nós”, engadiu Arévalo.